རང་ཁང་པ་སྟོང་པའི་ནང་ན་ལུ།།
ད་མནོ་བསམ་མི་གཏང་བརྒྱ་སྟོང་གཏང་།།
སླབན་སླབ་པའི་འཇིག་རྟེན་གྲོས་ཅིག་མས།།
མནོན་མནོ་བའི་མནོ་བསམ་བཤད་པ་ཅིན།།
མཇུག་ང་གིས་བཤད་པའི་གཏམ༌འདི༌ལུ།།
ཁྱོད༌ཧ༌ཧ༌ཧི༌ཧུ༌ཟེར༌འདི༌གིས།།
སྡོདན༌སྡོད༌པའི༌སར༌ལས༌འགྱེལ༌འགྱོ༌འོང༌།།
ང༌ཕོ༌ཡི༌ལུས༌རྟེན༌ཐོབ༌རུང༌རང༌།།
སྐྱེཝ༌སྔོན༌མའི༌བསོད༌ནམས༌མ༌སྨིན༌བཟུམ།།
དུས༌ད༌རེས༌བཟོ༌ཉེས༌སྦལཔ༌གི༌ལུས།།
རང༌ལུས༌ལུ༌འཁོར༌བའི༌སྣང༌བ༌བྱུང༌།།
ཁོ༌ཆ༌རོགས༌སྒོ༌ལས༌འཛལ༌ལོ༌མེདཔ།།
གྱོནན༌གྱོན༌པའི༌གོ༌ཡང༌ཕུད༌བཞག༌འདི།།
ང༌འགྱོ༌དོ༌ཟེར༌བའི༌གཏམ༌ཅིག༌ལས།།
གཞན༌གོ༌བའི༌དྲན༌པ༌མིན༌འདུག༌ང༌།།
ནམ༌ནུབ༌མོའི༌དུས༌ཚོད༌འདི༌བཟུམ༌ན།།
ཁོ༌སྲིན༌འདྲེ༌འབྱུང༌པོ༌མེན༌བ༌ལས།།
འགྱོན༌འགྱོ་བའི་ལམ་འདི་བརྒྱ་སྟོང་མེད།།
ཁོ་འགྱོ་བའི་ལམ་འདི་གཅིག་རང་ཨིན།།
ནམ་སོ་ཁའི་སྟག་ཚེར་མེ་ཏོག་འདི།།
ཁོང་བུང་བས་མ་བཅོམ་སྔོན་གྱི་ལས།།
དུས་ད་ལྟོ་ཁོ་ཡང་བུང་བ་མས།།
རོ་མངར་བའི་སྦྲང་རྩི་འཐུང་བ་མས།།
ང་ཁོ་ལུ་མནོ་བསམ་གཏང་བལྟཝ་ད།།
ཁོ་བསོད་ནམས་བསགས་པའི་གྲངས་སུ་མས།།
རངན་སྔོན་བསགས་བསོད་ནམས་མེད་པ་ལས།།
དུས་ད་ལྟོ་རྩོམ་ཅིག་བྲིས་སྡོད་ཡི།།
No comments:
Post a Comment