རང་ཉིད་ ཞིབ་རོགས་དཔལ་འབྱོར་གོང་འཕེལ་འགོ་དཔོན་ཟེར། ཡངན་ཏི་རུ་མེད། ཁྱིམ་མེད། སྣུམ་འཁོར་མེད། ཨམ་སྲུ་མེད། མེད་མིའི་ཕྱུགཔོ་འབད་ནི་འདི་གིས་ ད་ལས་ཕར་ སྦུལ་མེ་ཏོག་གི་ཚོང་ཅིག་རྐྱབ་སྟེ་ རང་རྐྱང་གི་དཔལ་འབྱོར་ཡར་རྒྱས་གཏང་དགོ་པའི་བློ་ ཡིག་ཚང་གི་ སྒོ་ཁར་ལས་ ཁྱིམ་ནང་འགྱོ་བའི་སྐབས་ལུ་ ཤར་ཡི། གཅིག་ལས་བལྟན་ འགོ་དཔོན་ཨིན་ཟེར་ སླབ་ནི་ཡང་ གཡང་ཟཝ་མས། དཔེ་འབདན་ གོ་བ་བརྡ་སྤྲོད་ཀྱི་ལས་རིམ་ནང་འགྱོཝ་ད་ དེ་ཁར་ རང་ལས་ཡང་ལྷགཔ་སྦེ་ དཔལ་འབྱོར་དང་ཚོང་ལཱ་གི་ སྐོར་ལས་ཤེས་མི་ ཟ་ཁང་ཇོ་བདག་དང་བཟོ་གྲྭའི་སྦྱིན་བདག་ཚུ་ཡང་ བཅའ་མར་གཏོགས་པར་འོངམ་ལས་ རང་ག་ནི་ཡང་མེད་མི་གིས་ ཤེས་ཤེས་རང་བཟུམ་སྦེ་ སྦྱན་ཞུ་འབདཝ་ད་ རང་གིས་རང་ཨ་ཙ་ར་བཟོ་བའི་ ཚོར་བ་འབྱུངམ་མས། ཨིན་རུང་ གཞུང་གི་ངོ་ཚབ་ཨིན་ཟེར་ ཅི་ལྕོགས་གང་ལྕོགས་ བཅའ་སྒྲིག་རྐྱབ་སྟེ་རང་ ཕྱག་ཞུ་བའི་བསྒང་ཡོད། དེ་སྦེ་ ཕྱག་ཞུ་སྡོད་པའི་ཞོར་ཁ་ལུ་ ཟ་དགོ་བས། འཐུང་དགོ་བས། བཀབ་དགོ་བས། ཉལ་དགོཔ་ལས་ ཟད་འགྲོ་ལྕི་ནི་འདི་གིས་ ཁྱོད་ཐིམ་ཕུ་ལུ་ བཞུགས་མི་ཚུ་གིས་ སྦུལ་མེ་ཏོག་གི་ མཁོ་འདོད་བསྐྱེད་འདི་ བཀའ་དྲིན་བསྐྱང་གནང་ ཟེར་ཞུ་ནི་ཨིན། སྦུལ་མེ་ཏོག་རྫམ་དང་གཅིག་ཁར་ དངུལ་ཀྲམ་ ༡༥༠ རང་ཨིན་ཟེར་ཞུ་དོ་ལགས། ཧཧཧ།
No comments:
Post a Comment