ན་ཧིང་འོངམ་ད་ ཁོ་ལུ་ཨོམ་འབག་ནི་འདི་གིས་ ཨིན་ན་མ་ཤེས་ ལོག་ལཱ་འབད་སར་ བསམ་གྲུབ་ལྗོང་མཁར་ལུ་འགྱོཝ་ད་ ནམ་ལིང་གི་ལམ་ར་ལས་རང་ཆད་བཏང་། ཁྲིམས་ཤིང་ལ་ག་ར་ཁརཝ་གིས་སྤུབས་བཞག་སྟེ་ ང་ཉིནམ་ལྔ་ལུ་རྐྱངམ་གཅིག་ལྷོད་བཅུག་ཡི། ཨིན་རུང་ ཁོ་གི་བཀྲིན་ལས་ ལྷོད་ནི་འདི་ལྷོད་ཅི།
དེ་ཚེ་འགྱོཝ་ད་འབདན་ ཁོ་ལུ་ ཚོགས་སྣ་མང་སྦེ་འབག དཀར་མེ་དང་སྤོས་ཡང་ཉོ། ཆང་གར་དྲགས་དམ་སྦྱིས་ཕྱེད་ [དམ་སྦྱིས་གང་མ་འབག་མི་འདི་ ཁོ་ལྟ་མ་ཆང་འགྲངས་ཏེ་ ང་གིས་ཞུ་མི་འདི་གསན་མི་ཚུགས་མནོ་སྟེ་མ་འབག] བཅའ་འགྲིག་རྐྱབ་སྟེ་ ཡ་ད་འབདན་ ཁྱོད་རང་མཁྱེན་ནོ། ང་ལོག་འགྱོ་ནི་འབད་དོ། ང་གཞན་ཞུ་དགོཔ་ག་ནི་ཡང་མེད། ད་ལྟོ་ཚུན་ དཀའ་ངལ་ག་ནི་ཡང་མེད་པ་ བདེ་བའི་ངང་ལུ་བཞག་སྟེ་ གཟུགས་སྟོབས་ཤུགས་ཅན་གླངམ་ཆེ་བཟུམ་བཟོ་གནང་མི་ལུ་ བཀའ་དྲིན་ཆེ། ད་རུང་རང་ དེ་བཟུམ་སྦེ་རང་ ཆ་རོགས་མཛད་གནང་། ཏི་རུ་བཏགས་བཅུག ཕྱག་ཕྱིན་ལེགས་ཤོམ་སྦེ་ཞུ་བཅུག མིང་ཅིག་འཐོབ་བཅུག ཨམ་སྲུ་འཇའ་རིསམོ་ཅིག་ཡང་འཐོབ་བཅུག་ཟེར་ ཁོ་ལུ་ཞུ་སྟེ་ ཆང་དྲང་ཡི།
* ཨཔ་དོམ་ཚངཔ་འདི་ ང་གི་སྐྱེས་ལྷ་ཨིན།
No comments:
Post a Comment